منقبت درشان

 حضور مفتی شبیر احمد صابرالقادری اندولوی علیہ الرحمہ

کلام: فرحت صابری رضوی

دین کی دیتے ہوئے تعلیم رخصت ہوگئے

چھوڑ کر علماءکی پوری ٹیم رخصت ہوگئے 

طالبان علم کے مابین وہ کرتے ہوئے

علم دین مصطفیٰ تقسیم رخصت ہوگئے 

جنکے فیضان وکرم سے آج بھی معمور ہے

اہل سنت کی سبھی تنظیم ،رخصت ہوگئے

ساقئی کوثر شہِ جودوعطا کے ہاتھ سے

نوش کرنے کوثروتسنیم رخصت ہوگئے

سونا سونا لگ رہا ہے آج یہ سارادیار

پیر کامل لائق تکریم رخصت ہوگئے

جنت الفردوس میں اللہ دے اعلیٰ مقام

تھی شریعت کی جنھیں تفہیم رخصت ہوگئے

کیسے اپنے سے بڑوں کے پاس رہنا چاہئے

ہم کو سکھلا کر ادب تعظیم رخصت ہوگئے

ہم بھلا سکتے نہیں ان کے کسی احسان کو

دیکے فرحتؔ زیست کی تقویم رخصت ہوگئے